He Hītori o te Rōpu:
I whakatūria te Rōpu Toi, Ahurea me ngā Taonga Pūmau i te tīmatanga o te tau 2005 nā runga i te hanganga houtanga o te Poari Matua o Raukawa.
Te Tikanga o te Rōpu:
Mā te Rōpu Toi, Ahurea me ngā Taonga Pūmau te ratonga hei tātaki, hei ārahi, hei tautoko i te ukaukatanga o ngō tātou taonga whērā i ngā taonga (tangible) me ngā taonga (intangible) mō ngā whakatipuranga o nāianei me ngā whakatipuranga o āpōpō. E ai ki te matauranga me te tino rangatiratanga o Raukawa, ka whakapaheko tēnei taiwhanga ūmanga i ngā āhuatanga katoa o te kiminga, te tiaki, te whakangungu, te whakaari taonga me te whakaako i ngā whānau me ngā hapū ki ngā take e pā ana ki ngā uri o Raukawa, whērā ki te whakaoranga, te tiaki, me te whakaari i ngā taonga. Mā te ara rautaki o te taiwhanga ūmanga nei kia aro pūmau ki ngā kaupapa whakapakari me te whakatinana i ngētehi whakahaerenga, he whakahaerenga whaimana, ngā mahi ngangahau, ngā hononga me ngā wānanga ka whai i te ariā pai rawa me ngā hua whaioha mō Raukawa. E whakarato ana tēnei rōpu ki te akiaki i ngā ritenga pai rawa atu i roto i ngā āhuatanga katoa o ngā Toi a Raukawa, te Ahurea a Raukawa, me ngā Taonga Pūmau a Raukawa.
Te Rautaki Hua o RTB:
Ki te kimi, ki te tiaki, ki te whakangungu me te whakarangatira i ngā taonga pūmau a Raukawa.
Te Rautaki mō ngā mea Whai Tikanga o te taiwhanga ūmanga Toi, Ahurea me ngā Taonga Pūmau:
- Ki te kimi, ki te tiaki, ki te whakangungu me te whakaari i te ahurea o Raukawa me ngāna taonga pūmau
- Whakahiato i tētehi papa whakaaturanga o ngā taonga e (provenance) au ana ki a Raukawa ā rohe, ā motu, otirā ki te ao whānui.
- Whakahiato i tētehi rārangi taonga o ngā taonga nō mua me ngā taonga o nāianei.
- Ki te rangahau me te whakawhanake i ngā tukunga kōrero hītori a Raukawa, whai wāhi mō ngā (multimedia records).
- Whakatū i tētehi papa whakaaturanga ā whatu.
- Tīmatahia i tētehi tātairanga tukunga kōrero hītori.
- Ki te akiaki ki te tautoko i te whakaurunga ki ngā toi ahurea me ngā Toi Māori.
- Tīmatahia i tētehi haerenga tango whakaahua.
- Whakarangatiratia te whakamahinga o ngā ngangahau o tēnā ahurea, o tēnā ahurea, Te Reo me ōna Tikanga.
- Whakaako i te hira o ngā Toi, te Ahurea me ngā Taonga Pūmau a Raukawa ki ngā tāngata e noho ana i roto i te rohe o Raukawa.
- Ki te whakatū i tētehi Whare Ahurea ā Iwi mō te takiwā Raukawa.
- Tohua ngā whakahoa matua mō ngā mahi tahi.
- Tīmatahia tētehi mātai tikanga mō te whakatūranga me te ukaukatanga o tētehi Whare Taonga mō Raukawa.
- Whakatū i tētehi tātairanga tukunga kōrero he whakaawe, he kaha anō hoki mō ngā taonga katoa, whērā i te whakaahua, ngā tuhinga tawhito me ngā taonga a muka.
Ngā Kaimahi:
Kaiwhakahaere Toi, Ahurea me ngā Taonga Pūmau- Tangiwai Amopiu
Kaiwhakarite Taonga- Kyle Shadrock
Ko Hautere te maunga, ko Oraka te awa, ko Tainui te waka, ko Ngātira Haere te marae, ko Te Tikanga a Tawhiao te whare tūpuna, ko Raukawa te iwi, ko Ngāti Āhuru te hapū.
“He toi whakaaro, he mana tangata”
I tāuteute te Poari i a Tangiwai i te marama o Mahuru i te tau 2007. I Putāruru a ia whānau mai ai, ā, ko te nuinga o tāna wā i noho ai ki te rohe o Raukawa.
Kua whakaakona e ia i te kapa haka ki rō kura, akiaki ai hei tauira kaha, i roto i Te Reo, i te Matauranga o te rohe o Raukawa, me te whakanoho i te tino tika me ngā nekehanga me te whakaute i roto i ngā akonga.
He wahine remurere a Tangiwai mō ngā Toi Māori, mō ngā take Ahurea me ngā Taonga Pūmau, me te mea hoki kua whai tonu i ngā pānga tātaki.