He Hītori o te Rōpu:
I whakatūria te Rōpū Whakahāere mō ngā Take Taiao i te mutunga o te tau 2005, nā runga i te hanganga houtanga o te Poari Matua o Raukawa.
Te Tikanga o te Rōpu:
Mā te Rōpū Whakahaere mō ngā Take Taiao te ratonga hei tātaki, hei ārahi, hei tautoko i te ukaukatanga o ngō tātou rauemi mō ngā whakatipuranga o naianei, me ngā whakatipuranga o apōpō. E ai ki te Matauranga me te Arikitanga o Raukawa. Ka whakapaheko te rōpu i ngā āhuatanga katoa o te ao whakahaere rauemi, e whakaawe nei i a Raukawa ki te ao whānui, ki te motu, ki te rohe, ā ki te hāpori. Ko te whāinga o te rōpu nei, kia aro atu ki ngā rautaki e hāngai kau ana ki ngā whanaketanga me te whakatinanatanga o ngā hātepe, ngā hātepe ture, ngā mahi ngangahau, ngā hononga me ngā wānanga ka i te ariā pai rawa me ngā hua whaioha mō Raukawa. E whakarato ana te rōpu ki te akiaki i ngā ritenga pai rawa atu i ngā āhuatanga katoa o te mahi whakahaere i ngā take Taiao.
Te Rautaki Hua o te Poari Matua o Raukawa
“Ki te whakamana i te tūranga Kaitiaki, ā kia whakarangatira i te whakahaerenga o ngō tātou rauemi ō Papatūānuku”
Te Rautaki mō ngā mea Whai Tikanga ō te Rōpu Whakahāere mō ngā Take Taiao:
- Ki te whakawhanake, ki te pupuri i tētehi huarahi pai rawa mō te Rōpu Whakahāere mō ngā Take Taiao.
- Hei ratonga tautoko, hei arataki i te wāhanga o ngā Take Taiao
- Kia tutuki pai ai i ngā hua mō ngā take taiao nā runga i ngā hononga rautaki
- Ki te manāki, ki te pupuri, ā ki te whakareia i ngā whenua, ngā wai, ngā wāhi tapu, ngā wāhi whai mana me ngētehi atu taonga o Raukawa
- Kia whakamōhio atu ki te iwi o Raukawa, ki ngā hapū, ki ngā whānau me te hāpori whānui ki ngā take taiao
- Ki te akiaki i te whakangaringari tangata, kia whakarato tautoko ki te iwi, ngā hapū, me ngā whānau o Raukawa kia aro atu ki ngā take taiao
- Kia akiaki i te iwi, i ngā hapū me ngā whānau o Raukawa kia tū rangatira i ngā mahi whēra i te ahuwhenua, te mahi ngāherehere me ngā mahi whakatipu i ngā uri a Tangaroa
- Mā te rōpu e aratakina, kia ea te Poari Matua o Raukawa i ngōna kawenga ūmanga taiao, ā, kia rere ukauka
Ngā Kaimahi:
Kaiwhakahaere I Ngā Take Taiao - Stephanie O’Sullivan
I tāuteute a Steph e te Poari i te marama o Mahuru i te tau 2005. I pōtaetia a ia i Te Kunenga Ki Pūrehuroa, he tohu tāna arā ko te Bachelor Degree of Resource & Environmental Planning (Hons). I whānau mai a Steph ki Tokoroa, i kuraina e ia ki taua rohe anō.
Kua mahi a Steph ki roto i te tini o ngā momo mahi whēnei ki te whakahaerenga rauemi, te matauranga mō ngā take taiao, me te ukaukatanga o ngā mahi ahuwhenua neke atu i te tekau mā rua tau, kua noho hoki e ia i te ao whakawhanake hāpori me te ao mātai pāpori. Kua mahi e ia mō Te Puni Kōkiri, NZ Landcare Trust, Ag Research, me te Kaunihera o Waikato ki te Tonga.
He pūkākā a Steph ki ngā take whakahaerenga rauemi Māori, kua whai tonu a ia i ngā pānga tātaki, whakauru i te whakahaerenga me ngā kaupapa o te taiao taketake.
I te tau 1998 i kōwhirihia e ia mō te Wānanga o Johnson & Johnson mō ngā Kaitātaki o Aotearoa, i te tau 2006 i kōwhiria e ia hei kanohi mō Aotearoa ki te Emerging Pacific Leaders Dialogue Forum, nā te Commonwealth Study Conference Trust i whakahare.
He mema ia o te rōpū Wahine Māori Toko i Te Ora, te Kōmiti Tautoko mō te Taiao-ā-Rohe me te Kōmiti Whakarite o te Ao mō te ELPD o 2009.
Ngā Wawata Matua mo ngā tau 2007/08:
- Kia ngaringari ake te rōpū nei, ā kia whai rauemi anō hoki
- Kia hangaia i tētehi Rautaki Whakahaere-ā-Iwi o Raukawa
- Kia hangaia i tētehi tātaitanga mahere whenua ā rohe o Raukawa
- Kia akiaki i ngā marae, ngā hāpu me ngā whānau anō hoki kia tutuki pai ai ngō rātou ake tumanako mo ngā take Taiao
- Kia tāpiri whakaaro ki ngā Kaupapa Matua, ā kia āta tirohia i aua Kaupapa hoki
- Kia mahitahi i ngā mahi whakahaere me ngā mahi whānaketanga
Ngā Pou e Tautoko nei i ngā Kaupapa Taiao:
Ka mahi ngātahi te Rōpū Whakahāere mo ngā Take Taiao ki waenganui i ngētehi Pou Tautoko. Ko ngā Pou Tautoko e arongatahi nei ki te Poari Matua o Raukawa inaia tonu nei:
· Mighty River Power
· Environment Waikato
· Manatū mō te Taiao
· Carter Holt Harvey Properties
· Carter Holt Harvey Pulp and Paper
· Te Kaunihera-ā-Rohe o Waikato ki te Tonga
· Te Kaunihera-ā-Rohe o Waipā
· Te Kaunihera-ā-Rohe o Taupō-nui-ā-Tia
· Te Kaunihera-ā-Rohe o Ōtorohanga
· Te Kaunihera-ā-Rohe o Matamata-Piako
· Te Papa Atawhai
Ānei ngētehi atu hononga hei āwhina pea i a koe:
Te Poari Matua o Raukawa me te Kawanatanga ā Rohe
Mā te Rōpū Whakahāere mō ngā Take Taiao e tātaki i te hononga o te Poari ki te Kāwanatanga ā Rohe. I te tau 2006 i hono te Poari Matua o Raukawa ki te kaupapa e kīa nei ko ‘Choosing Futures’ mō te rohe o Waikato, nā kua whakatōhua i ngā Hua ā Hāpori o Raukawa. Mā ngēnei kaupapa e kawe ake i ngā mātāpono o te Poari Matua o Raukawa: