He kōrero nehe mō te Poari Matua o Raukawa
I whakatūria te Poari Matua o Raukawa i te tau 1987 i raro i ngā ture Manaakitanga tāngata (1957) nā ngā moemoeā anō hoki ō ngā kaumatua. Ko te tikanga o te Poari o Raukawa, he whakahaere i ngā āhuatanga-ā-iwi, ngā āhuatanga ahurea, me ngā take ohaoha ō ngā whānau, ngā marae me ngā hapū katoa o te takiwā nei o Raukawa. I te tau 1994 i tapainatia anō ko ‘Te Poari Matua o Raukawa.
Te Rohe o Raukawa
E whā ngā Pou Whenua e noho nei hei māngai mō te takiwā nei o Raukawa, arā ko: Te Pae o Raukawa, ko Wharepūhunga, ko Maungatautari me Te Kaokaoroa o Patetere. E noho ana ēnei wāhi i te takiwā ō Raukawa, ko Mōkai, Atiamuri, Whakamaru, Mangakino, Tokoroa, Putāruru, Tīrau, Tapapa, Matamata, Kēmureti, Kihikihi me Te Awamutu.